عزيزى الباحث .. عزيزتى الباحثه
أسرار محدش هايقولهالك
- لو البريزنتيشن يوم المناقشه قالولك ان مدته تلت
ساعه اعمله انت فى ربع ساعه ولو قالولك مدتك ربع ساعه اعمله انت ف ١٢ دقيقه.
ـ ماتخليش الرساله بتاعتك خاليه من الاخطاء اللغويه بنسبه١٠٠٪ علشان كده هتجبرهم يركزوا فى منهجيه وفنيات علميه..سيب شوية ملاحظات شكليه تخطف نظرهم .
- يوم المناقشه خد معاك فلاشه احتياطى عليها البريزينتيشن والرساله نفسها.
- خللى مع حد قريب منك جدا هايحضر المناقشة نسخه مطبوعه من رسالتك احتياطى.
- خد معاك البريزنتيشن ف ورق مطبوع..جايز اللاب ميشتغلش.. الملف يضرب.. البروجيكتور يتعطل.. النور يقطع..الخ الخ.. تبقى بديل احتياطى.
ـ اتدرب ع البريزنتيشن واحفظه صم بحيث تقدر تشرح وتتكلم من غير ما تبص على الشاشه وكانك بتقرا وخلاص ..كفايه تدوس ع المسطره تقلب الصفحات وانت بتتكلم بثقه وباصص للجنه ومتقراش كل المكتوب ف السلايدات..واقرا بعض السلايدات قبل
ماتقلب ..خليك محترف ومتمكن.
ـ فور إعلان منحك الدرجه توجه بابتسامه نحو اللجنه وسلم عليهم كلهم .. واشكرهم ..ومتنساش تتصور الصوره الجماعيه الرسميه لمناقشتك .
- متقلعش الروب الا بعد ما تخلص تصوير خالص .
- لما تخلص مناقشه وتتصور خلى دائما لوحه اعلان المناقشة فى خلفيه الصورة .
ـ تركيزك كله يكون مع لجنة المناقشه ومالكش دعوه بحد من الحضور سواء اللى قاعدين او مين داخل او مين خارج من القاعه..متبصش غير للجنه طوال فترة المناقشه.
- خد من الدكاتره بعد المناقشة ورق ملاحظاتهم علشان تعدل الرساله ع طول او على الاقل صورهم بالموبايل.
تحياتي
د. محمد امام
تعليقات
إرسال تعليق
رأيك مهم